Berdintasun Zerbitzua bortz udaletako berdintasun zinegotziek osatutako mahai batek kudeatuko du.
Mahai honek izaera iraunkorra, aholku emailea eta erabaki hartzailea izanen du.
Helburu nagusia da Bortzirietako udalek eskumena daukaten esparru guzietan genero zeharkakotasuna txertatzea, emakume eta gizonen arteko berdintasuna bultzatzeko.
helburuak:
01.
Udaletako politikak orientatzea, emakume eta gizonen aukera berdintasunean oinarriturik, hauen arteko berdintasun erreala lortzeko helburuarekin.
02.
Udaletako funtzionamenduan eta udalek eskaintzen dituzten programa eta zerbitzuetan genero zeharkakotasuna sustatzea.
03.
Udalek eskumenak dauzkaten alorretan genero berdintasuna
bultzatzeko programa eta jarduerak bultzatzea.
04.
Genero berdintasuna lortzeko bidean sentsibilizazio eta informazio kanpainak egitea.
05.
Berdintasunerako kudeaketa mahaia hausnarketarako eta eztabaidarako espazio bezala egonkortzea, honen bidez berdintasuneranzko politika publikoaren norabidea zehazteko.
funtzioak:
Helburuak lortze aldera, kudeaketa mahaiak ondoren bildutako funtzioak ditu:
1.
Kudeaketa mahaia martxan jartzea eta honen jarraipena egitea.
2.
Berdintasun printzipioa defendatzea, indarrean dagoen arautegi autonomiko, estatal, europar eta internazionalari jarraiki.
3.
Generoen arteko desberdintasuna gainditzera bideratutako programak, jarduerak eta zerbitzuak proposatzea, bultzatzea, eta hauetan parte hartzea.
4.
Helburuak lortze aldera, beharrezkoak diren errekurtso publikoak bilatzea.
5.
Berdintasun Zerbitzuaren planari jarraipena eta proposamenak egitea.
6.
Berdintasun Zerbitzuko kudeaketa mahaian hartutako erabakiak udaletan komunikatzea.
7.
Mahaiaren funtzioak bete ahal izateko, udaletatik beharrezko informazioa eskuratzea.
8.
Kudeaketa mahaian aurkezten diren proposamen eta iniziatibak bildu eta aztertzea.
9.
Udalek Berdintasun Zerbitzua finantzatzeko sortutako aurrekontu partidetan finantzaketa nahikoa egon dadin bultzatzea.