EUS
ES

Bortzirietako

Berdintasun zerbitzua:

Arantza, Bera, Etxalar, Igantzi eta Lesakako udalek osatzen duten herri zerbitzua da.

“Berdintasun Zerbitzuaren eginkizun nagusia emakume eta gizonen arteko aukera berdintasuna sustatzea da”.

Berdintasun Zerbitzua Igantziko Herriko Etxean dago, eta eskualdeko berdintasun plana diseinatu eta gauzatzeaz arduratzen da.

Lesaka
Etxalar
Arantza
Bera
Igantzi

Esku hartze arloak

01

Genero ikuspegia txertatzea bortz udalen jardueran

Genero ikuspegia txertatzea bortz udalen jardueran

  • Genero berdintasunerako udal eta mankomunitate egiturak sortzea.
  • Udal-mankomunitate lan prozedurak emakumeen eta gizonen tratu eta aukera berdintasunerako printzipioaren arabera sustatzea.
  • Trebakuntza tekniko eta politikoan genero ikuspegia txertatzea.
  • Udalerrietako eta eskualdeko garapen iraunkorraren eremuan genero berdintasuna txertatzea.

02

Emakumeen aurkako indarkeria matxista

Emakumeen aurkako indarkeria matxista

  • Emakumeen aurkako indarkeria agenda politikoan txertatzea.
  • Eskualdeko baliabideak eta erantzunak hobeto koordinatzeko prozesuak sustatzea.
  • Udal eta mankomunitate langileei prestakuntza eskaintzea.
  • Baliabide eta zerbitzuei buruzko informazioa ematea.
  • Prebentzioa eta sentsibilizazioa kanpainak egitea.

03

Gizarte eta ekonomia berdinzaleagoa

Gizarte eta ekonomia berdinzaleagoa

  • Zaintza lanak aitortzea, duintzea eta banatzea.
  • Zaintzaren ikuspegi feministatik eta eginkizunen erantzukidetasun bateratuaz jarduteko eskualdean hausnarketarako eta lanerako guneak sortzea.
  • Zaintzaren etikatik esperientzia berriak garatzea.
  • Enplegu eta garapen politiketan genero ikuspegia eta intersekzionaliatea txertatzea.

04

Emakumeen ahalduntzea eta jendartearen inplikazioa

Emakumeen ahalduntzea eta jendartearen inplikazioa

  • Emakumeen ahalduntze indibidual eta kolektiboa sustatzea. Hau da, bideak sortzea eskualdeko emakumeek oro har duten egoera eta posizioa hobetzeko, bereziki genero desberdintasun eta bereizkeriak nabarmenagoak diren eremuetan.
  • Berdintasuna bultzatzea, gizarte osoaren inplikazioaren bidez.

    Mugimendu feministarekin elkarlanerako espazioak ezinbestekoak dira, baina berdintasuna ez da emakumeen kontua soilik.

Ikusi / deskargatu hemen Bortzirietako berdintasun plana

HISTORIA /IBILBIDEA

Badira urteak emakumeen eta gizonen berdintasuna sustatzen dela Bortzirietan.

2006

2006an aurkeztu zen Bortzirietako I. Ekintza Positiboko Plana. Garai horretan, berdintasun gaiak Gizarte Zerbitzuak kudeatzen zituen.

Ordutik aurrerapausoak eman dira Bortzirietan, 28 ekintzez osatutako II. Plan batekin eta Gizarte Zerbitzuetatik egindako lanari esker.

2021

2021. urtean Bortzirietako Berdintasun zerbitzua sortzeko lehen pausoak eman ziren.

2022

Zerbitzua sortu zen berdintasun teknikari baten kontratazioarekin. Berdintasun Politikaren abiapuntua berriz hartzeko eskualdeko diagnostiko berri bat egin zen, hortik abiatuta III. Berdintasun Plana osatzeko. 2022 urtean plan honen helburuak dira eskualdeko bortz udalerrietako berdintasun politika berrabiaraztea, norabide berean bultzatzea eta egonkortzea.

Berdintasun zerbitzuaren funtzioak

Berdintasunerako kudeaketa mahaia

Berdintasun Zerbitzua bortz udaletako berdintasun zinegotziek osatutako mahai batek kudeatzen du.
Mahai honek izaera iraunkorra, aholku emailea eta erabaki hartzailea izanen du.
Helburu nagusia da Bortzirietako udalek eskumena daukaten esparru guzietan genero zeharkakotasuna txertatzea, emakume eta gizonen arteko berdintasuna bultzatzeko.

info +

Agenda · Ekitaldiak

Denak ikusi

Bloga · Berriak

DENAK IKUSI