Oraindik probatu ez baduzu, berriz ere Gorpuztu saioen onurak sentitzeko aukera duzu.

Gorputzaren kontzientzia berreskuratzen dugunean, zerbait aldatzen da sakonean: nerbio-sistema orekatzen da, arnasketa eta estresa baretzen dira eta tentsioak askatzen ditugu. Ondo sentitzen gara.

Espazio honetan zure erritmoak errespetatuko dira, barne indarrak mugimenduaren bidez adierazten. Jokoak, mugimendua, musikaz eta irriez lagundurik bidai goxo batera gonbidatzen zaituztegu. Etorri eta probatu, gorputzak maiteko duela ziurtatzen dizuegu.

Nori zuzendua: 16 urtetik gorako emakumeentzat*. Plazak betetzen badira, Bortzirietan bizi diren emakumeek lehentasuna izanen dute. 

Saioen bideratzailea: Estitxu Mentaberri

Egunak: otsailak 22, martxoak 22, apirilak 19 eta maitzak 10 – igandeak –

Tokia: Koskontako Bidea 7 2 udal aretoa, Lesaka

Ordua: 11:00-13:00

Informazioa eta izen-emateak: 722 69 30 78 telefonoan otsailaren 19a baino lehen

Plazak: 15. Dohainik

Hizkuntza: Euskara

Ekarri arropa erosoa, hankutsik edota irristatzen ez duten galtzerdiak

Animatu parte hartzera!